Kaixo maitia,
2024ko Irailaren 6an bezero guztiei aurreratu bezala, iritsi da unea #agurmaitia esateko. Behin behinean behintzat.
17 urte pasatxoko ibilbidea egin du kaixomaitia.eus atariak lehen aldiz sareratu genuenetik eta gaur, 2024ko urriaren 4, eman diogu itxiera.
Itxieraren arrazoiak oso ongi jaso zituzten Berria egunkariak hemen eta Gaur8 aldizkariak ere hemen, xehetasunak jakin nahiko bazenitu bi artikuluok irakutzeko gonbitea luzatu nahi dizut.
Eta orain zer?
Ba testu hau irakurtzen ari zarenez, jadanik kaixomaitia ataria itxirik da eta irailaren 6ko mezuan aurreratu bezala, 2024ko abendura bitarte webgunea eta bertako erabiltzaile datuak bere horretan gordeak egongo dira, orain artean bezala. Tarte hori probestu nahi dut jadanik abian diren kaixomaitia.eus en jarraipenerako elkarrizketekin jarraitzeko edo proiektuari itxiera beharrezko berme guztiekin emateko.
Hau egiteko epea urte amaiera bitarte finkatu dut eta abendu amaiera bitarte jarraipena emango dionik topatzen ez badut behin betiko itxiko dut ataria eta honekin batera webgunearen kode eta jakina datu guztiak behin betiko ezabatuko ditut. Webgunea ixtearekin batera 2005ean sortu nuen eta webguneari oinarri juridikoa ematen dion Aranet Internet Zerbitzuak SL elkartea ere disolbatu egingo dut. Hori izango da behin betiko #AGURMAITIA.
Jakina, bitartean zure kontuari baja eman nahiko bazenio, idatzi baja eskatuz harremana@kaixomaitia.
Ez nuke amaitu nahi zuri, urteotan kaixomaitia.eus-engan konfidatu duzun erabiltzaile horri eskerrak eman gabe. Espero dut zure ilusio eta beharrak asebete dituela eta hauek aurrerantzean betetzeko bide berriak topatuko dituzula, euskaraz badira, are hobe.
Bidean ikusiko dugu elkar.
Agur, maitia.